ស្ដ្រីវ័យចំណាស់ម្នាក់ ស្លាប់នៅក្នុងបន្ទប់ក្នុងវត្ដ សង្ស័យជំងឺប្រចាំកាយ
02-October-2019 | ដោយ ពលមនសិការ
ឧត្ដរមានជ័យ៖ ស្ដ្រីវ័យចំណាស់ម្នាក់ត្រូវបានពលរដ្ឋប្រទះឃើញដេកស្លាប់អង្គុយជើងផ្កាប់មុខ នៅក្នុងបន្ទប់មួយនៅក្នុងវត្ដ គីរីមង្គលកាលពីថ្ងៃទី១ ខែតុលា ឆ្នាំ២០១៩ ក្នុងភូមិ/សង្កាត់អូស្មាច់ ក្រុងសំរោង ខេត្តឧត្ដរមានជ័យ។
សមត្ថកិច្ចបានអោយដឹងថាជនរងគ្រោះឈ្មោះជា ជូ ភេទស្រី អាយុ៦៤ឆ្នាំ មានទីលំនៅភូមិច្រេស ឃុំត្រពាំងរុន ស្រុកចន្ទ្រា ខេត្តស្វាយរៀង។
ក្រោយទទួលបានព័ត៌មានភ្លាមៗ កម្លាំងជំនាញក្រុង បានសហការជាមួយកម្លាំងប៉ុស្តិ៍រដ្ឋបាលអូរស្មាច់ កម្លាំងជំនាញការិយាល័យខេត្ត និង នងគ្រូពេទ្យពេទ្យខេត្ត ចុះដល់កន្លែងកើតហេតុធ្វើការត្រួតពិនិត្យ ឃើញមានស្នាមចេញឈាមតាមច្រមុះ និងនៅលើក្បាល, រាងកាយពុំមានស្លាកស្នាមរបួសអ្វីដែលគួរឲ្យកត់សម្គាល់ឡើយ ដោយសង្ស័យជាជំងឺរលាកក្រពះ។
បើតាមការបំភ្លឺពីចៅអធិការវត្ត ព្រះនាម ពេជ្របួយ ព្រះជន្ម៣៣ឆ្នាំ ស្នាក់នៅក្នុងវត្តគិរីមង្គលអូរស្មាច់បានឲ្យដឹងថាៈកាលពីចុងឆ្នាំ២០១៨ មានឈ្មោះ ភារុណ ភេទប្រុស រស់នៅភ្នំពេញ បាននាំម្តាយឈ្មោះ ជា ជូ (ជាមនុស្សមានជំងឺនិងមានស្មារតីមិនប្រក្រតី) មកស្នាក់នៅក្នុងវត្ត ដើម្បីឲ្យលោកជួយព្យាបាលជំងឺតាមបែបអបិយជំនឿ តែដោយស្ថានភាពជំងឺមិនប្រែប្រួល លោកក៏បានឲ្យឈ្មោះ ភារុណ ជូនម្តាយគាត់ទៅព្យាបាលនៅពេទ្យសុរិន្ទ ប្រទេសថៃ តែស្ថានភាពជំងឺគាត់នៅតែដដែល ព្រោះគាត់មិនព្រមលេបថ្នាំតាមកំណត់ពេទ្យក្រោយមក នៅខែឧសភា ឆ្នាំ២០១៩ ឈ្មោះ ភារុណ ក៏បានត្រឡប់ទៅនៅភ្នំពេញវិញ ដោយទុកម្ដាយគាត់ឲ្យស្នាក់នៅក្នុងវត្ត និងបានផ្តាំផ្ញើឲ្យលោកជួយមើលថែរផង លុះនៅថ្ងៃទី០១ ខែតុលា ឆ្នាំ២០១៩ វេលាម៉ោងប្រហែល១១នឹង៣០នាទី លោកបានប្រើកូនសិស្សឲ្យយកបាយទឹកទៅជូន ឈ្មោះ ជា ជូ ដូចសព្វមួយដង បានបន្តិចស្រាប់តែឃើញកូនសិស្សគាត់រត់ត្រឡប់មកវិញហើយប្រាប់ថាយាយជាជូ មិនស្រួលហើយ ឃើញគាត់អង្គុយ ផ្កាប់មុខផ្អែកជញ្ជាំង ហៅក៏មិនឆ្លើយដៃជើងរឹងអស់ហើយឮដូច្នោះលោកក៏រត់ទៅមើលនិងបានដឹងថាឈ្មោះ ជា ជូ បានស្លាប់បាត់ទៅហើយបន្ទាប់មកលោកក៏រាយការណ៍ជូននគរបាលប៉ុស្តិ៍រដ្ឋបាលអូរស្មាច់។
ក្រោយសមត្ថកិច្ចបានធ្វើកោសល្យវិច្ច័យរួច ក៏បានប្រគល់អោយក្រុមគ្រួរសារយកទៅធ្វើបុណ្យទៅតាមប្រពៃណី ៕
ចំនួនអ្នកទស្សនា
- ថ្ងៃនេះ9141
- ម្សិលមិញ20231
- សប្តាហ៍នេះ88221
- ខែនេះ110101
- ឆ្នាំនេះ110101
- សរុប20552557